
Nobeta Mafê Jiyanê: Divê korîdora însanî were vekirin

2026-01-27 14:56:31


	&nbsp;

	AMED - Di Nobeta Mafê Jiyanê ya ji hêla Platforma Tenduristiyê ya Amedê ve tê lidarxistin de wiha hate gotin: “Ji bo xurek, av, ceyran û derman derbas bibin, divê korîdoreke însanî were vekirin.”&nbsp;

	&nbsp;

	Platforma Tenduristiyê ya Amedê, li dijî komkujiyên ser gelê rojavayê Kurdistanê, li Nexweşxaneya Perwerde û Lêkolînê ya Nexweşxaneya Gazîr Yaşargîl a li navçeya Peyasê çalakiya Nobeta Mafê Jiyanê li dar xist.&nbsp;

	&nbsp;

	Gelek kes tev li nobetê bûn. Di nobetê de pankarta bi nivîsa “Em ji bo mafê jiyanê nobetê digirin” û dovîzên “Li Rojavayê mirin hebe, li Amedê jiyan nabe”, “Şer pirsgirêkeke tenduristiyê ya gel e, dermanê wê aştî ye”, “Li Kobanê zarok dimirin” û “Xwedîderketina li Rojava xwedîderketina li mirovahiyê ye” hatin hilgirtin.&nbsp;

	&nbsp;

	Endama Yekitiya Bijîşkên Tirk (TTB) Bijîşk Sabîre Aygun daxuyanî xwend. Daxuyanî bi Kurdî bû. Sabîre Aygunê diyar kir ku êrişên li dijî Şêxmeqsûd û Eşrefiyê dest pê kirin îro li tevahiya Rojava belav bûne û di êrişan de yekser cihên sivîlan hedef tên girtin û vê jî rê li ber krîzeke mezin ê însanî û tenduristiyê vekiriye. Hate gotin ku ji ber dorpêça heyî, xwarin, sotemenî û ceyran naçe Kobanê û ji ber sermayê 5 zarokan jiyana xwe ji dest dane.&nbsp;

	&nbsp;

	Bi domdarî hate destnîşankirin ku şer pirsgirêkeke tenduristiyê ya gel e û tedawiya wê jî aştî ye. Hat diyarkirin ku Kobanê bi karesateke mezin rû bi rû ye û hat xwestin ku şer bê rawestandin, korîdoreke mirovî ji bo Kobanê û Rojava were vekirin û pêwîstiyên lezgîn tavilê bê şandin.&nbsp;

	&nbsp;

	Hat daxuyandin ku armancgirtina cihên sivîlan, nexweşxane, av, ceyran û hwd. sûcê şer û sûcê li dijî mirovahiyê ye. Bang li dewlet û saziyên navneteweyî hate kirin ku êrişan bidin sekinandin, statuya Rojava nas bikin û bikevin nava tevgerê. Her wiha bang li Tirkiyeyê hate kirin ku ne li komên selefî û tundrew li cem Kurdan cih bigire.&nbsp;

	&nbsp;&nbsp;

	Di daxuyaniyê de hate gotin ku bêdengiya hêzên navdewletî rê li ber van sûcan vedike û ev daxwaz hatin rêzkirin:&nbsp;

	&nbsp;

	* Divê hemû êrişên çekdar ên ku sivîlan armanc dikin, demildest bidin rawestandin.

	&nbsp;

	* Ji bo gihiştina xwarinê, avê, ceyranê û dermanan, divê lezginî korîdoreke mirovî ya ewle were vekirin.

	&nbsp;

	* Divê saziyên tenduristî, karkerên tenduristî û binesaziya av û enerjiyê li gorî qanûna navneteweyî werin parastin.

	&nbsp;

	* Divê polîtîkayên koçberkirina bi zor û guhertina demografîk were bidawîkirin.

	&nbsp;

	* Divê komîteyên navneteweyî yên serbixwe binpêkirinan li herêmê bi cih biceribînin û sûcên şerê bi awayekî bandor were lêpirsînkirin.

	&nbsp;

	* Mafê gelên Rojava Ji bo rêveberiya herêmî, demokratîk û beşdarî; bi taybetî mafê tenduristiyê û hemû mafên bingehîn ên mirovî divê were garantîkirin.”

	&nbsp;

	Daxuyanî bi dirûşman bi dawî bû.&nbsp;

	&nbsp;