
Der barê Nexweşxaneya Dewletê ya Dêrsimê lêpirsîn hat destpêkirin  

2026-04-17 20:07:19


	&nbsp;

	DÊRSIM – Wezareta Tenduristiyê piştî ku derket holê daneyên nexweşxaneyê yên têkildarî Gulîstan Doku hatine jêbirin, der barê Nexweşxaneya Dewletê ya Dêrsimê de lêpirsîn da destpêkirin.

	&nbsp;

	Têkildarî lêpirsîna doza xwendekara pola 2’emîn a Zanîngeha Munzurê piştî 6 salan pêşketinên nû tên jiyîn. Piştî derketin holê ku daneyên ku nîşan didin Gulîstan Doku beriya winda bibe ketiye li Nexweşxaneya Dewletê ya Dêrsimê û piştî ku tomarên sîstemê yên wê rojê hatine jêbirin, Wezareta Tenduristiyê lêpirsîn da destpêkirin.

	&nbsp;

	Di çarçoveya lêpirsînê de hat eşkerekirin ku her çend daneyan nîşan didan ku Gulîstan Doku di 31’ê Kanûnê de saet di 09:09’an de ketiye Nexweşxaneya Dewletê ya Dêrsimê, hemû tomarên qeydên pergalê yên wê rojê hatibûn jêbirin.

	&nbsp;

	Fîrmaya ragihandinê ku li ser daneyên nexweşxaneyê lêkolîn kir, rapora xwe pêşkeşê dozgeriyê kir û wiha hat gotin, “Nebûna tomarên pergalê nikare wekî bûyerek normal were hesibandin; tê fêmkirin ku tomarên yên roja têkildar bi destwerdana teknîkî ya bêdestûr bi zanebûn hatine jêbirin.”

	&nbsp;

	Ji aliyê din ve, rêveberiya nexweşxaneyê îdia red kirin û îdia kirin ku Gulîstan Doku di wê roja navborî de qet serdana nexweşxaneyê nekiriye.

	&nbsp;

	Ji wezeretê daxuyaniya ku hat dayîn de ev hat gotin: "Derbarê bûyera Tunceliyê de, wezareta me lêpirsîn da destpêkirin û mufetîşek ji bo vê mijarê erkdar kir."

	&nbsp;