
Fraksiyona Jinên Iraqê êrîşên ser Rojava şermezar kir 

2026-01-27 15:51:41


	&nbsp;

	NAVENDA NÛÇEYAN - Fraksiyona Jinên Iraqê binpêkirinên giran ên li dijî jinên Kurd li Rojava şermezar kir û diyar kir ku ew piştevaniya jinên Kurd dikin her wiha ji bo bilindkirina têkoşînê bang kir.

	&nbsp;

	Fraksiyona Jinên Iraqê têkildarî êrîşên çeteyên cîhadîst ên HTŞ’ê yên li ser Rojava ku desteka xwe ji dewleta Tirk digrin, daxuyaniyek weşand.

	&nbsp;

	Fraksiyonê diyar kir ku şerê li Sûriyeyê gefê li aramî û ewlehiya jinan dixwe, da zanîn ku tiştên li Hesekê, Dêrazor û Reqayê hatine jiyîn û bêrêziya li hemberî şervanan, binpêkirina peymanên mirovî û navneteweyî ye.

	&nbsp;

	Di daxuyaniyê de wiha hat gotin:

	&nbsp;

	“Herêm di pêvajoyeke zor ku krîzên siyasî û ewlehiyê ketine nava hev de, bi mudaxeleyên derve tevlîhevtir bûye. Di nava şer û pevçûnan de jinên Sûriyeyê rûbirûyî zoriyên qat bi qat in.”

	&nbsp;

	Di daxuyaniyê de hat diyarkirin ku domandina şer û operasyonên li Sûriyeyê bandorek neyênî li welat kiriye û reşwek cidî ku gefê li ewlahiya jinên Sûriyeyê dixwe heye û wiha hat gotin: “Jinên Sûriyeyê bûne mexdûrên van pevçûnan. Li bajarên Hesekê, Dêrezor û Reqayê li dijî cenazeyên şervanên jin, li dijî jin û zarokên Kurd gelek binpêkirin çêbûn. Ev yek li dijî hemû peymanên mirovî û navnetweyî ye û rewşeke ku nayê qebûlkirin e.”

	&nbsp;

	Di daxuyaniyê de hat destnîşankirin ku kêmar bi awayekî sîstematîk tên hedefgirtin û ev yek jî rê li ber windabûna hesta aramî û ewlehiyê vedike, di heman demê de bandoreke neyênî li zarokan kiriye û wiha hat gotin: “Divê bi lezgînî mudaxele li vê rewşê were kirin divê kiryar hesab bidin û werin darizandin. Divê qada ewlehî û destekdayînê bê avakirin, rêgeza welatîbûna wekhev were bicihanîn. Rêz li pirrengiyê were girtin û çanda jiyana bi hev re were pêşxistin.”

	&nbsp;

	Fraksiyona jinên Iraqê tiştên li herêm û bajarên Sûriyeyê hatin jiyîn şermezar kir, bang kir ku ji bo hevrubûna bi van zoriyan re divê serweriya mafên mirovan û hiqûqê were bihêzkirin, destekdayîna çareseriyên aştiyane û di nava aliyên neteweyî, herêmî û navneteweyî de yekîtiya kar bê bilindkirin.

	&nbsp;

	Di daxuyaniyê de hat îfadekirin ku divê bi taybetî mafên jin û zarokan werin parastin, ewlehiya wan were pêkanîn, Sûriye bibe welatekî demokratîk û aştiyane ku mafên hemû beşan tê de were parastin. &nbsp; &nbsp;&nbsp;