Ji rêxistinên hiqûqê yên navneteweyî bang ji bo Rojavayê 

2026-01-29 20:02:04


	 

	NAVENDA NÛÇEYAN - Kesayet û rêxistinên hiqûqê yên navneteweyî banga rawestandina êrişên li ser Rojavayê û naskirina statuya Rojavayê kirin.

	 

	Êrişên HTŞ, DAIŞ û komên paramîlîter ên ji aliyê Tirkiyeyê ve tên piştgirîkirin li ser Rojavayê berdewam dikin. Ligel vê li her deverên cîhanê bertek li dijî van êrişan zêde dibin. Rêxistinên hiqûqê yên navneteweyî banga rawestandina êrişên li ser Rojavayê û naskirina statuya wê kirin.

	 

	Ji Konseya Ewlekariyê ya Neteweyên Yekbûyî (NY), Komîteya Mafên Mirovan a NY, Komîteya Dijî Îşkenceyê, Serokatiya Konseya Ewropayê, Komîseriya Bilind a Mafên Mirovan û rêxistinên mafên mirovan û hiqûqî re ev bang hat kirin:

	 

	"*Divê êrîşa leşkerî ya li ser Rojava tavilê raweste.

	 

	*Divê statuya hiqûqî û siyasî ya Rojava li gorî qanûnên navneteweyî were naskirin û parastin."

	 

	Îmzevanan wiha got: “Em bang li saziyên navneteweyî yên têkildar dikin ku ji bo bicihanîna berpirsiyariyên xwe yên hiqûqî tavilê têkevin nava tevgerê.”

	 

	Di bangawaziya ku ji hêla MAF-DAD’ê ve bi çapemeniyê re hatiye parvekirin de, rêxistinên îmze kirine ev in:

	 

	Asociación Venezolana de Juristas

	 

	CRED/GILI ( Center of Elaboration and Research on Democracy/ Group of İnternational Legal Intervention)

	 

	Cyprus Democratic Lawyers Association

	 

	Defend International Law

	 

	ELDH(European Association of Lawyers for Democracy & World Human Rights)

	 

	Giuristi Democratici – Italia

	 

	IACTA COOPERATIVA DE ABOGADAS

	 

	Italian Democratic Lawyers

	 

	MAF-DAD e.V. (Association for Democracy and International Law)

	 

	Permanent Peoples' Tribunal

	 

	Red Jurídica S. Coop. Mad.

	 

	Her wiha daxuyaniya bangawaziyê ji îmzeyên takekesî re jî hat vekirin û ji hêla zêdetirî 100 parêzvanên mafên mirovan ve hatiye îmzekirin.