Nasnameya 8 jinên li Sebzevar hatine binçavkirin hatin eşkerekirin

2026-02-16 16:13:51


	 

	NAVENDA NÛÇEYAN - Nasnameya 8 jinên ku di meha Çileyê de di dema xwepêşandanan de hatin binçavkirin hatin eşkerekirin. Lê belê hê nayê zanîn ku li kuderê tên girtin û derbarê dosyayên wan de ti agahî nehatine bi destxistin.

	 

	Hate ragihandin ku nasnameya 8 jinên ku li bajarê Sebzevar di dema xwepêşandanên Îranê de hatin binçavkirin hatin tesbîtkirin.

	 

	Li gorî agahiyên hatine bi destxistin, 8 jin di meha Çileyê de, di dema xwepêşandanan de ji aliyê Hêzên Ewlehiya Komara Îslama Îranê ve hatine binçavkirin û hê di rewşek ne diyar de tên ragirtin.

	 

	Navê jinên hatine binçavkirin evin: Mehdiye Yusefî, Semîra Şokuhîneseb, Aida Atayî, Tîna Fereshteh, Bahar Seccadî, Vîda Azadvarî, Nahîd Berzuyî û Mandana Motahharî.

	 

	Li gorî nûçeyan, tevî demê derbas bûye, rewşa van kesan a hiqûqî ne diyar e. Derbarê şertên girtin û dosyayên wan de heta niha ti agahî nehatine parvekirin.