
‘Ganî kerdoxê Havîn Aşkan tepişte bêro muhakemekerdiş’ 

2026-03-28 10:12:05


	&nbsp;

	Nazlican Nujîn Yildiz

	&nbsp;

	ÎZMÎR - Yew avûkatanê keyeyê Havîn Aşkane, Nevraz Sigin, derheqê îdîanameyê ke merdişê biguman ê Havîn Aşkane ser o ame amadekerdîş de qisey kerd û va ke ganî çawîşê pispor Î.T yo ke Havîn Aşkan dir zewicîyabî, tepişte bêro muhakemekerdiş.

	&nbsp;

	Qezaya Bornovayî ya Îzmîrî de 24ê çeleyê 2024ine de Havîn Aşkan keyeyê xo de biguman dinyaya xo bedelnaye. Çawîşê pispor Î.T ke Havîn Aşkan dir zewicîyabî, roja ke hedîse ciwîya de keyeyî gêra û îdîa kerd ke Havîn Aşkane întîxar kerda.

	&nbsp;

	Keyeyê Havîn Aşkane û avûkatanê înan derheqê merdişê bigumanî de sucê “bi qestî kes kiştiş” ser o derheqê Î.Tyî de hemverê muracatê sucî kerdî. Dosya ke demêk dergbî averşîyayîş çinbî, rojê vîyarteyî de averşîyayîşêk newe ciwîya. Serdozgerîya Komare ya Îzmîrî, derheqê Î.Tyî de hemverê sucê “bi qestî cinîya xo kiştiş” îdîaname amade kerd.

	&nbsp;

	Îdîaname hetê Dadgeha Cezaya Giranî ya 23ine ya Edlîyeyê Îzmîrî ra ame qebulkerdiş. Waştişê avûkatanê keyeyî yê derheqê ke Î.T tepişte bêro muhakemekerdiş ame redkerdiş. Î.T hemverê qerarê hewteyî yew rey qerekolî de îmza bierzo û tedbîrê kontrolê edlî semedê nêvejîyayîşê welatî ra ame dayîş.

	&nbsp;

	Roniştişê verêne 21ê gulane de yo

	&nbsp;

	Yew avûkatanê keyeyî ra Nevraz Sigin derheqê mesele de qisey kerd û va ke kesêk ke sucê “bi qestî cinîya xo kiştiş” ra yeno muhakemekerdiş ganî tepişte bêro muhakemekerdiş û va: “Hedefê ma no yo ke no kes tepişte bêro muhakemekerdiş û ma do semedê nê hewl bidê.”

	&nbsp;

	‘Gumanbarî pawitişî yewbînan ra musenê’

	&nbsp;

	Nevraz Sigin wina dewam kerd: “Nê dosyayî muhîm ê. Wexto ke mêrêk yew cinî kişeno cezayê nê dîyar o. No bi delîlan zî vecêno orte û goreyê rewşe cezaya muebetê giranî gêno la hedîseyê gumanbarî zêde bîyî. Nê senîn benê? Sey dosyaya Havîn Aşkane. Ma hedîseyêk wina Duygu Bolukbaşî de zî dî. Dosyaya Havîne de vanê ‘Xo bi berî daliqnaya’. Yan zî hedîseyê sey ‘xo cayêk berzî ra eşt a’ yenê dîyayîş. Mêrdeyê ke Havîne dir zewicîyabî vano ‘Agahîya mi çinbî. Ez odeyêk bîn de rakewtîbîya.’ Vano întîxar kerd. Na rewşe çira wina zêde bîya, çira wina gumanbarî yena verdayîş? Ganî ma nê cigêrayîş bikerê. Gumanbar mêrdeyê Havîne yo û xebatkarê leşkeran o. No sereyê ma de persî verdayî. Demê verênan qet nêame destbendkerdiş. Sewqê tepiştişî nêame kerdiş. Sey şahid îfade girewtibî. La bi zordarîya rayepêroyî û hewldayîşanê ma îdîaname ame amadekerdîş.”

	&nbsp;

	‘Ma na rewşe semedê polîtîkayê bêcezaverdayîşî ciwîyenê’

	&nbsp;

	Nevraz Sigin dîyar kerd ke dosyayê wina bi asanî gumanbarî yenê verdayîş û va: “Zaf kes nê praktîkî zî nêvîneno. Bê vejîyayîşê vernîya dozgerî dosya yena girewtiş. Nika dosya de hetê baş no yo ke îdîaname ame amadekerdîş. Îdîaname hetê Dadgeha Cezaya Giranî ra ame qebulkerdiş. Bêguman hema derbas nêbîyo sewîyeya muhakemekerdişî. Gulane de roniştişê ma est o. Dosyayê merdişê bigumananê cinîyan, dosyayê krîtîk ê. Dosyeyê ke bi kêlîyanê qijî şenê bi temamî bivejê orte yê. Nê semedî ra zî çarçeweya dosya de îfadeyê hîra zaf mantiqî yê. La ganî ma nê vajê. No kes yew roje zî tepişte nêmend. Nika sucê ‘bi qest cinî kiştiş’ ra yeno muhakemekerdiş û cezaya muebetê giranî ra yeno muhakemekerdiş. La yew roje zî tepişte nêmend. No normal nîyo. Nê hetî de normal nîyo; ma ewnîyenê merdimî semedê tweetêk yenê tepiştiş. Semedê heqaretê serekkomarî yan zî çîyêk bîn yenê tepiştiş, bi aşman tepişte manenê. Ganî no kes lezkî bêro tepiştiş. Hedefê ma yo nika tepiştişê gumanbarî yo. Semedê nê ma hewl danê. Dadgehe semedê gumanbarî şertê kontrolê edlî da. Waştişê ma yê tepiştişî red kerd. Gelo çira gumanbar nêtepişte yeno muhakemekerdiş?“​​​​​​​​​​​​​​​​

	&nbsp;

	&nbsp;