Kesê tewrê festîvala bî: 4ê Nîsane xelasîya ma ya 

2026-04-04 12:43:36


	 

	Pelşîn Çetînkaya - Evîn Çîftçî

	 

	RIHA - Cinîyanê ke festîvala ke semedê pîrozkerdişê 77 serrîya Rayberê Şarê Kurdî Abdullah Ocalanî ameye organîzekerdiş de qisey kerdî, dîyar kerdî ke Abdullah Ocalan temsîlkarîya azadîya cinîyan keno û ardî ziwan ke ê wazenê na roje bi mîmarê şorişî pîya pîroz bikerê.

	 

	Festîvala Amarayî ke bi sloganê “Ver bi Yewîya Neteweyî ya Demokratîk bi Rayberîya Azade” Rayberê Şarê Kurdî Abdullah Ocalanî 77 serrîya rojbîyayîşê xo semedê yadkerdişî ameye organîzekerdiş, roja xo ya çarine û peyêne de dewam kena. Festîvala ke bi rojan dewam kena, tewrbîyayîşêk pîl tîya de est o û eleqeyêk zêde vîneno, her roje merdimê her emrî meydan pirr kenê. Sloganê “Bijî Serok Apo” û “Rojbîyayîşê to pîroz bo ey Serok Apo” qet peynî nêbenê, merdimî bi şalê sûrî û keskî û cilê neteweyî meydanî de amade bîyî. Festîvala ke hêvî, coş û kelecan qil de bî de, posterêk pîl ê Rayberê Şarê Kurdî Abdullah Ocalanî hetê ciwanan ra ame berzkerdiş.

	 

	Meydanê ke mesaj û waştişanê balkêş tîya de qîrîyayî de, cinîyan muhîmîya yewîya neteweyî dîyar kerdî û vatî ke çar perçeyê Kurdistanî bi yew ruhî yewgirewte yê. Azadîya fîzîkî ya Rayberê Şarê Kurdî Abdullah Ocalanî waştişê tewr pîl ê cinîyan bî û ê vatî: “Roja ma bi rayberê ma dir berz bî; a azadî bî. Nê rojî bi xêrê hewldayîşanê ci yê. Rayberê ma o kes o ke nê têkoşîn, xoverdayîş û destkewtişan gane paweno. Ma wazenê lezkî ey mîyanê xo de bivînê. Ma wazenê rojbîyayîşê ey yê ameyoxî pîya pîroz bikerê.”