Jiyan Gencan

 

QAMIŞLO - Avûkate Berîvan Yunis eşkera kerd ke ganî dewleta tirke seba Heqê Hêvîye gaman bierzo û va: "Sazîyê mîyanneteweyî wezîfeyê înan o ke rewşe taqîb bikerê û seba caardişê Heqê Hêvîye zext Tirkiya ser o bikerê."

 

Komîteya Wezîran a Konseya Ewropa seba heqê hêvîye yê Rayberê Şarê Kurdî Abdullah Ocalanî wext dabî Tirkiya û temambîyayîşê nê wextî rê demêko kemî mendo. Wext heta aşma hezîrane yo, labelê heta nika dewleta tirke seba heqê hêvîye tu game nêeşta.

 

Avûkate Berîvan Yunis, Heqê Hêvîye, rewşa Rayberê Şarê Kurdî Abdullah Ocalanî û Prosesê Aştîye û Cimatê Demokratîkî ser o ajansê ma rê erjnayîş kerd.

 

Berîvan Yunis, destpêkê qiseykerdişê xo de serê Heqê Hêvîye de qisey kerd û va: "Heqê hêvîye, heqêko însanî û qanûnî yo. Mîyanê qanûnanê mîyanneteweyîyan de sey heqêko însanî yeno naskerdene. Vejîyayîşê heqê hêvîye seba kesê ke heta hetayî cezayê zîndanî girewtê yo. Zêdeyêr seba tepişteyanê sîyasîyan yeno waştene. Avûkatanê Rayber Apo heqê hêvîye fîna rojeva Konseya Ewropa. Dima ra tepiştişê Rayber Apo yê 25 serran ganî o heq seba ey biameyîne dayene, seba emrî zî ganî Raybertî mîyanê zîndanî de nêvindero. Rayber Ocalan ke serkêşîya awankerdişê Cimatê Aştîye û Demokratîkî keno ganî heqê hêvîye ey rê bêro dayene. Heqê Hêvîye seba Rayber Ocalan yeno waştene, labelê dewleta tirke goreyê qanûnan tênêgêrena. Eke dewleta tirke qanûnî pê biardêne bi hazaran tepişteyê sîyasîyî est ê ke rewşa înan goreyê şertê mendişê zîndanî de nîya û ganî zîndan ra biameyîne vetiş. Seba tepişteyê sîyasî heqê hêvîye muhîmîyêk o. Heqê hêvîye seba psîkolojîya tepişteyan hêvîyêka. Ganî o heq seba Rayber Apo bica bêro û warê qanûnî de dewleta tirke gaman bierzo. Wexto ke Prosesê Aştîye û Cimatê Demokratîkî rayra şono de, madeyo tewr muhîm heqê hêvîye yo."

 

‘Heqê Hêvîye qanûnêko ke ganî bêro caardene’

 

Berîvan Yunis ard ziwan ke Heqê Hêvîye qanûnêko ke ganî bêro caardene û wina va: "Goreyê heqê merdiman yê Ewropa Heqê Hêvîye madeyê 3ine de ameyo bicakerdiş. Tepişteyêk ke heta hetayî ceza ci rê amîya birnayene o ganî nê heqî ra feyde bîgîro. O qanûnêko ganî bêro caardene. Labelê dewleta tirke de ne heq ne zî qanûn yenê caardene. Seba ke nê qanûnî bêrê caardene wezîfeyê kewenê milê şarî û bitaybetî zî avûkatan ser."

 

‘Ganî sazîyê mîyanneteweyî zext Tirkiya ser o bikerê’

 

Berîvan Yunis dîyar kerd ke seba Heqê Hêvîye wezîfeyê sazîyanê mîyanneteweyîyan o ke rewşa Rayber Ocalanî taqîb bikerê û wina va: "Seba caardişê Heqê Hêvîye taqîb kerdene kewena milê sazî û dadgehanê mîyanneteweyîyan. Rewşa Rayber Ocalanî zî yena zanayene ke bi komployêk mîyanneteweyî o kewt na rewşe. Seba taqîbkerdişê nê heqî sazîyanê heqê merdiman ê mîyanneteweyîyan de zî taqîbkerdişêko baş çin o. Ê sazîyê mîyanneteweyî wezîfeyê înan o ke rewşe taqîb bikerê û seba caardişê Heqê Hêvîye zext Tirkiya ser o bikerê. Ganî şarê kurdî, heme tepişteyê sîyasî û avûkatî wezîfeyê înan o ke seba heqê hêvîye têkoşîn bidê."

 

‘Ganî heme avûkatî seba Heqê Hêvîye bixebitîyê’

 

Berîvan Yunis ard ziwan ke ganî heme avûkatî seba Heqê Hêvîye yê Rayber Ocalanî kar bikerê û wina peynî da qiseykerdişê xo: "Ez sey avûkatêka cinî vana ke Rayber Ocalan wayîrê şexsîyetêk muhîm o. O wayîrê fikir û ewnîyayîşêk o ke tena seba şarê kurdî û Kurdistanî, seba heme şaranê bindestan muhîm o. Pawitişê Heqê Hêvîye seba Rayber Ocalan wezîfeyê heme cinîyan o ke bipawê.”