MERKEZÊ XEBERAN- Kanalê xeberan yo newe ke bi temamî bi kurmancî yo, NÛÇE TV, 15ê Gulane Roşanê Ziwanê Kurdkî de dest bi weşanê xo keno.

 

Kanalî nêzdîyê wextêk o ke weşanê testî kerdêne. NÛÇE TV hesabê xo yê medyaya dîjîtale ser o eşkere kerd ke 15ê Gulane Roja Roşanê Ziwanê Kurdkî de dest bi weşanê xo keno. NÛÇE TV nê mesajî pare kerd: “Bi ekranêko NEWE, raywanîyêka NEWE û sey televîzyonêkê neteweyî, roja ziwanê Kurdkî de ma dest bi weşanê xo kenî.”

 

Kanal do weşananê xo de ca bido her babete. Polîtîka ra heta ekonomî, heqanê merdiman ra heta kultur û hunerî, heme hedîseyî do bi perspektîfêko profesyonel bêrê weşanayene.

 

Seba ke şarê kurd û taqîbkerdoxê xeberan bi rehetî biresê weşanî, NÛÇE TV bi kalîteya HD serê peykanê Hotbird û Nilesatî de do weşanê xo bikero. Sewbîna weşanê gandarî û xeberê taybetî do keyepel û platformanê dîjîtalan ê kanalî ser o zî bêrê parekerdene.