NAVENDA NÛÇEYAN - Midûriyeta Polîsan a Germiyanê ragihand ku li Kelarê jinek bi gumanbarî miriye û têkildarî bûyerên lêpirsîn hatiye destpêkirin.

 

Berpirsê polîsên Germiyanê Soran Mihemmed Xerîb ragihand ku serê sibeha ji taxa Şoreş a bajarokê Kelarê cenazeyê jinekê bi navê ‘B. M. X.’ û 56 salî, rakirin Nexweşxaneya Şehîd Hejar.

 

Soran Mihemed Xerîb diyar kir ku ew jin di encama gulebaranê de jiyana xwe ji dest daye.

 

Her wiha destnîşan kir ku li gorî gotina xizmên wê, qaşo ‘wê jinê dawî li jiyana xwe aniye’, têkildarî dosyayê lêpirsîn û lêkolîn hatiye destpêkirin.