ŞIRNEX - Rêxistinên Ked û Pişeyî yên Şirnexê, derbarê qetilkirina Denîz Poyraz de daxuyaniyek dan û  gotin: "Divê  berpirsyar hesabê bidin."

 

Rêxistinên Ked û Pîşeyî yên  Şirnexê, têkildarî qetilkirina Denîz Poyraz de li ber avahiya Egîtîm Sen ê ya Cizîrê daxuyaniyê dan çapemeniyê. Parlamenterên HDP’ê yên Şirnexê Nuran Îmîr û Hasan Ozgûneş, aktîvîstên TJA’yê, Meclîsa Dayikên Aştiyê, endam û rêvebirên HDP’ê yên navend û navçeyan, endamên Platforma Şaxên KESK’ê û gelek kes tevlî daxuyaniyê bû. Di  daxuyaniyê de pankarta “Li dijî faşîzmê mil bidin milên hev” hat vekirin û daxuyanî ji hêla Sekeretera Jin a Egîtîm-Sen a Şirnexê Serap Ok ve hat xwendin.

 

Di daxuyaniya hatî dayin de qetilkirina Denîz û êrîşa li hemberî HDP'ê hat şermezarkirin wiha hat gotin: "Em banga piştevaniyê dikin. Divê  berpirsyarên qetlîamê  hesabê dibin."

 

 Piştî daxuyaniyê çalakiya rûniştinê hat lidarxistin. Çalakiya rûniştinê jî bi dirûşmên “Jin jiyan azadî”,  “Destên ku dirêjê Denîz bûn bişkên” û “Denîz Poyraz nemir e” bi dawî bû.